طلب مني زوجي. حكايات_ميراا
كشف إن قبل الرحلة بأسبوع، كريم دخل على جهاز الكمبيوتر الخاص بيّ أكثر من مرة، وحاول يفتح ملفات الوصية والعقود الخاصة بالميراث، بل وحاول يغير بعض البيانات باستخدام حساب مزيف.
ولما فشل…
بدأ يخطط للتخلص مني.
لكن المفاجأة الأكبر كانت شهادة السكرتيرة التنفيذية.
وقفت قدام المحكمة وقالت بصوت ثابت:
“قبل الرحلة بيوم، الأستاذ كريم طلب مني أطبع مستندات نقل صلاحيات الإدارة باسمه، وقال لي: جهزي كل حاجة… بكرة كل شيء هيتغير.”
ساد الصمت في القاعة.
حتى كريم فقد هدوءه لأول مرة، وصاح:
“هي بتكدب… الكل بيتآمر عليّ!”
لكن القاضي طلب منه السكوت.
وفي نهاية الجلسة، قررت المحكمة استمرار حبسه على ذمة الق\ضية، مع استكمال التحقيق في كل الأدلة الجديدة.
وأنا خارجة من المحكمة، وقف أحد الصحفيين وسألني:
“إيه أول حاجة هتعمليها بعد كل اللي حصل؟”
ابتسمت لأول مرة من شهور، وحطيت إيدي على بطني، وقلت:
“هرجع أعيش… وأربي ابني بعيد عن أي حد شاف في الفلوس أغلى من حياة الناس.”
لكن وأنا راكبة العربية، رن هاتفي.
كان المحقق.
قال بصوت جاد:
“أستاذة نورا… لقينا حاجة في مكتب كريم، وأعتقد إنها هتغير الق\ضية بالكامل.”
اتجمدت مكاني.
وسألته:
“إيه اللي لقيتوه؟”
رد بكلمة واحدة…
“دفتر.”وصلت قسم التحقيق بعد أقل من ساعة.
المحقق حط قدامي دفتر جلدي أسود، قديم شوية، لكنه متقفل بقفل صغير كان بالفعل مفتوح.
قال لي:
“لقيناه في خزنة سرية ورا مكتبة مكتب كريم.”
فتحت أول صفحة…
واتجمدت.
كان مكتوب بخط إيده:
“الخطة.”
قلبت الصفحة اللي بعدها، ولقيت تواريخ، وملاحظات، وأسماء.
كل خطوة كان مرتبها بالتفصيل.
إزاي يقرب مني أكتر، وإمتى يبدأ يسأل عن العقود، وإزاي يخلي أي تغيير في تصرفاته يبان طبيعي.
لكن الصفحة اللي بعدها كانت الأصعب.
مكتوب فيها:
“أفضل وقت هو أثناء الرحلة… البحر هيمحي أغلب الأدلة… والكل هيصدق إنها حادثة.”
حسيت بقشعريرة في جسمي.