طلب مني زوجي. حكايات_ميراا
“مستحيل… دي كانت وقعت من ارتفاع مفيش حد ينجو منه!”
المحقق رد بهدوء:
“واضح إنك متأكد جدًا من اللي حصل… أكتر من أي شاهد.”
الكلمة دي خلت كريم يسكت.
اتقبض عليه، واتاخد للتحقيق، وهو لسه مقتنع إن مفيش دليل يثبت إنه زقني بإيده.
لكن كان فيه حاجة ماحسبلهاش حساب.
الطيار.
في البداية، كريم كان فاكر إن الطيار هيقف معاه، لأنه موظف عنده وبيقبض منه.
لكن بعد ساعات من التحقيق، الطيار انهار.
واعترف إن كريم هدده قبل الرحلة، وقال له إنه لو اتكلم هيلفق له ق\ضية تضيع مستقبله.
وسلم الشرطة جهاز التسجيل الداخلي الموجود في الطائرة، واللي كان بيحفظ آخر دقائق من الرحلة.
ولما النيابة سمعت التسجيل…
كان صوت كريم واضح وهو بيقول:
“قربي من الباب… متخافيش.”
وبعدها بثوانٍ…
اتسمع صوت صرختي.
ثم صوت كريم وهو بيقول لنفسه بصوت منخفض:
“خلصت.”
التسجيل قلب الق\ضية بالكامل.
في صباح اليوم التالي، انتشر الخبر في كل وسائل الإعلام.
“نجاة سيدة أعمال شهيرة من محاولة قتل على متن هليكوبتر… والقبض على زوجها.”
أسهم شركتي نزلت ساعات قليلة بسبب الصدمة، لكن مجلس الإدارة خرج ببيان رسمي أكد إن الإدارة مستقرة، وإن كل الصلاحيات التنفيذية انتقلت مؤقتًا للفريق الإداري.
أما كريم…
فكان قاعد في زنزانته، لأول مرة من سنين، من غير نفوذ… ومن غير أموال… ومن غير حد يرد على اتصالاته.
وكان لسه مايعرفش إن المفاجأة الأكبر… لسه مستنياه.بعد أسبوع، اتحدد أولى جلسات المحكمة.
القاعة كانت مليانة صحفيين، ورجال أعمال، وكل الناس اللي كانت بتتكلم زمان عن “قصة الحب المثالية”.
ولما دخل كريم، كان باين عليه الإرهاق.
رفع عينه يدور عليّ…
واتجمد مكانه.
دخلت القاعة وأنا ماسكة إيد أمي، وبطمن على طفلي اللي لسه في بطني.
كنت عايشة.
وده لوحده كان كافي يهدم كل الخطة اللي رسمها.
المحامي بتاعي وقف وقال للقاضي:
“قبل ما نبدأ، عندنا مستند جديد وصل للنيابة.”
المستند كان عبارة عن تقرير من خبير جرائم إلكترونية.