النهارده الصبح. حكايات ميراا
وفي ظهر الصورة جملة واحدة:
“لو مريم عرفت إن أحمد كان موجود يوم اختفائي، حياتها كلها هتتغير.”
اتيبع…سكتنا كلنا.
صوت خالي عادل كان بيهز البيت:
— افتحوا الباب يا مريم!
بصيت لكريم، وبعدها لسارة.
— هو عايز إيه؟
كريم رد:
— اللي كان فاكره حقه.
سارة مسكت الفلاشة.
— لأ. هو عايز الحاجة اللي موجودة هنا.
أشرت للصندوق.
— الأسهم؟
هزت راسها.
— مش بس الأسهم.
فتحت آخر ملف في الصندوق.
كان فيه عقد قديم جدًا.
قريته بصعوبة.
وبعدين بصيت لكريم.
— إنت قلت إن جدتي كانت أمك.
هز راسه.
— أيوه.
— طب أنا مين؟
كريم سكت.
سعاد بدأت تبكي.
— مريم… أنا آسفة.
لفيت ناحيتها.
— إنتِ عارفة أنا مين؟
قالت:
— أيوه.
— قولي.
سكتت طويلًا.
وبعدين قالت:
— إنتِ بنت أختي.
اتجمدت.
— إيه؟
— جدتك مش أمك.
بصيت لكريم.
— يعني إنت أخويا؟
كريم هز راسه.
— لأ.
— أمال؟
قال:
— أنا ابن جدتك من راجل تاني.
سارة قاطعته:
— استنوا. كده فيه تناقض.
فتحت العقد.
— مريم، بصي هنا.
كان مكتوب إن جدتي كانت الوصي القانوني على طفلة اسمها مريم بعد وفاة والدتها.
أمي.
أنا عمري ما شوفت شهادة ميلادها.
ولا حتى صورة واضحة ليها.
كل اللي كنت أعرفه إن أمي ماتت وأنا صغيرة جدًا.
سارة قالت:
— لازم نطلع شهادة الميلاد الأصلية.
وفجأة سمعنا زجاج بيتكسر.
أحمد جري ناحية الباب.
— عادل دخل!
سارة قامت بسرعة.
— مريم، خدي الفلاشة والوثائق.
— وإنتِ؟
— أنا هاتصل بالشرطة.
كريم وقف قدامي.
— وأنا هواجهه.
مسكته من إيده.
— لأ.
بصلي.
— المرة دي محدش هيواجه حد عشاني.
فتحت باب المكتب.
خرجت للصالة.
كان عادل واقف وسط المكان.
أول ما شافني، ابتسم.
— أخيرًا.
بصيت له.
— إنت كنت بتسرقني من إمتى؟
ضحك.
— إنتِ لسه فاكرة إن دي فلوسك؟
— أيوه.
— لأ يا مريم.
قرب خطوة.
— دي فلوس العيلة.
رفعت الفلاشة.
— العيلة اللي زورت إمضتي؟
وشه اتغير.
— إنتِ لقيتيها؟
— لقيت كل حاجة.
أحمد بص لخاله.
— خلاص يا عادل.
عادل لف له.
— إنت مالك؟
— كفاية.
عادل ضحك.
— إنت فاكر نفسك تقدر تتراجع دلوقتي؟
أحمد سكت.
عادل قرب منه.
— لو أنا وقعت، إنت هتوقع معايا.
أحمد بصلي.
ولأول مرة حسيت إنه بيتردد بين إنه ينقذ نفسه وبين إنه يفضل ساكت.
قلت:
— اختار يا أحمد.
بصلي.
— لو اتكلمت دلوقتي، يمكن يبقى لسه فيه حاجة تنقذك.