أربع ولاد مشاغبين. حكايات ميراا
وقال:
— أنا ما كنتش بحميهم منها.
ثم ابتلع ريقه.
— كنت بحميها منهم.
وفجأة الشاشة انقطعت.
وفي نفس اللحظة…
سمعوا صوت بوابة القصر وهي بتتفتح.
الحراس صرخوا.
وآدم قال:
— خدّي الأولاد واهربي.
نادية بصت له.
— منين؟
آدم أشار ناحية الممر الخلفي.
— في نفق تحت القصر.
يوسف صرخ:
— لأ!
الكل بص له.
يوسف كان بيعيط.
— مش هنهرب تاني.
— يوسف…
— إحنا عارفين الحقيقة!
سكت لحظة.
وبص لأبوه.
— ماما مش اللي قالتها لنا.
ثم بص لنادية.
— وهي هتيجي تاخدنا.
وفي الخارج…
توقفت سيارة سوداء أمام باب القصر.
ونزلت منها امرأة واحدة.
رفعت عينيها للكاميرا.
وابتسمت.
لورا.نادية كانت واقفة وسط الأولاد الأربعة، وعينيها على شاشة المراقبة.
لورا نزلت من العربية.
ماكانش معاها حراسة.
ولا حتى سواق.
بس الغريب إن كل رجال آدم اللي كانوا واقفين عند البوابة… ماحدش منهم اتحرك.
واحد منهم رفع إيده للسماعة.
وبعدين نزلها ببطء.
آدم فهم.
— محدش يضرب.
نادية بصت له.
— ليه؟
— لأن لو حد لمسها… الناس اللي برا هتدخل.
— ناس مين؟
آدم ما ردش.
لورا وقفت قدام البوابة الحديد.
رفعت وشها للكاميرا.
وقالت:
— أنا عارفة إنك سامعني يا آدم.
آدم قرب من الشاشة.
— لورا.
ابتسمت.
— أخيرًا نطقت اسمي.
يوسف قرب من الشاشة.
— ماما؟
لورا سكتت.
وبعدين ابتسامتها اختفت.
— يوسف؟
الولد بدأ يعيط.
— ماما!
جري ناحية الباب.
نادية مسكته قبل ما يفتحه.
— استنى.
يوسف حاول يفلت.
— دي ماما!
نادية حضنته.
— عارفة.
— سيبيني!
— لأ.
— أنا عايز أروح لها!
نادية بصت في عينيه.
— لو هي مامتك فعلًا، هتستناك.
يوسف سكت.
أما آدم فكان بيبص لورا من خلال الشاشة.
قال:
— إنتِ عايزة إيه؟
ضحكت.
— نفس الحاجة اللي طلبتها من أربع سنين.
— مستحيل.
— عايزة ولادي.
— مش هتاخديهم.
— يبقى نبدأ بالجزء اللي بعده.
آدم سكت.
لورا قربت من الكاميرا.
— قول لهم الحقيقة.
نادية بصت لآدم.
— أي حقيقة؟
لورا قالت:
— اسأل أبوهم عن اللي حصل ليلة الحادث.
آدم غمض عينيه.
يوسف بص له.
— بابا؟
عمر قرب.
— إيه اللي حصل؟
نوح مسح دموعه.
ولوكا مسك إيد نادية.
آدم فضل ساكت.
يوسف رفع صوته:
— بابا! إيه اللي حصل لماما؟
آدم أخيرًا قال:
— أمكم ما ماتتش في حادث.
الأولاد اتجمدوا.
نادية نفسها ما اتكلمتش.
— حصل انفجار في البيت القديم.