في الساعة 3 الفجر حكايات ميراا
— «مين ده؟»
— «لسه بنحاول نعرف.»
آدم قرب من الشاشة.
— «كبّر الصورة.»
مازن عمل زوم.
آدم ثبت عينيه على الرجل.
ثم قال:
— «أنا أعرفه.»
مازن بص له.
— «مين؟»
— «حسام.»
— «حسام نصر؟»
آدم هز راسه.
حسام كان المدير المالي لإحدى شركاته.
رجل آدم وثق فيه لمدة عشر سنين.
مازن قال:
— «بس حسام اختفى من ساعتين.»
آدم رفع عينه ببطء.
— «اختفى؟»
— «تليفونه مقفول. عربيته متسابِة قدام بيته. ومراته قالت إنه خرج من البيت من غير ما يقول رايح فين.»
آدم ابتسم ابتسامة باردة.
— «يبقى مش اختفى.»
— «أمال؟»
— «هرب.»
في نفس اللحظة…
جاء صوت طرق خفيف على الباب.
آدم لف.
ليلى كانت واقفة عند الباب.
لابسة روب أبيض، وشعرها مربوط بطريقة عشوائية.
وكان واضح إنها تعبانة جدًا.
آدم بص لها.
— «إنتِ المفروض نايمة.»
— «مش عارفة.»
— «ليه؟»
ليلى دخلت.
— «ياسين نام.»
— «كويس.»
— «بس أنا مش عارفة أنام.»
آدم أشار للكرسي.
— «اقعدي.»
ليلى قعدت.
وبصت للتابلت.
— «مين ده؟»
آدم قفل الشاشة فورًا.
— «موضوع شغل.»
ليلى بصت له بنظرة طويلة.
— «أنا كنت هتق*تل بسبب شغلي.»
آدم ما ردش.
— «فلو الموضوع ليه علاقة بيا… عايزة أعرف.»
مازن بص لآدم.
آدم قال:
— «سيبنا.»
مازن خرج وقفل الباب.
بقت ليلى وآدم لوحدهم.
— «حسام نصر.»
ليلى اتجمدت.
— «إيه؟»
— «تعرفيه؟»
ليلى سكتت لحظات.
— «أيوه.»
— «من إمتى؟»
— «من سنتين.»
— «كان بيتعامل معاكي إزاي؟»
ليلى عقدت حواجبها.
— «عادي.»
— «عادي إزاي؟»
— «كان محترم.»
آدم قرب منها.
— «فكري كويس.»
ليلى بصت للأرض.
وبعدين قالت:
— «مرة… سألني عن جدول اجتماعاتك.»
آدم ما تحركش.
— «وقال إنه محتاج يعرف مواعيدك عشان ينسق مع الإدارة.»
— «وإنتِ قلتي له؟»
— «لا.»
آدم سأل:
— «ليه؟»
ليلى رفعت عينيها.
— «عشان حسيت إن السؤال غريب.»
لأول مرة من بداية الليل، آدم ابتسم.
ابتسامة حقيقية صغيرة.
— «كنتِ شاطرة من زمان.»
ليلى اتفاجئت.
— «إيه؟»
— «ولا حاجة.»
سكتت.
ثم قالت:
— «آدم.»
— «نعم؟»
— «أنا عايزة أسألك سؤال.»
— «اسألي.»
— «ليه أنا؟»
ملامحه اتغيرت.
— «يعني؟»
— «كل اللي حصل ده.»
نزلت عينيها على إيديها المجروحة.
— «ليه خطفوني أنا؟»
آدم فضل ساكت.
ليلى كملت:
— «أنا موظفة عندك. مش من عيلتك. ومليش علاقة بالمشكلة اللي بينك وبين رامي الديب.»