قالوا عليها مجرد طالبة. حكايات ميراا
وبعد ثوانٍ…
جاء الرد:
— «الرحلة 718… نحن نصدقك.»
ثم صمت الطيار العسكري لحظة.
— «لكن عندنا سؤال واحد.»
نورهان ضغطت زر الاتصال.
— «قول.»
جاء الرد:
— «من أين حصلتِ على هذه الإحداثيات؟»
نورهان نظرت إلى مدحت.
ثم إلى الحقيبة.
وقالت:
— «من رجل ق..تل أبي.»
لكنها لم تكن تعرف…
أن الرجل الذي تحدثت إليه لم يكن بعيدًا عنها كما ظنت.
كان على متن نفس الطائرة.
وفي اللحظة التي قالت فيها الجملة…
وقف أحد الركاب بهدوء من مقعده.
وابتسم.
ثم أخرج من جيبه جهازًا صغيرًا.
وضغط زرًا واحدًا.
وانطفأت أنظمة الطائرة بالكامل.لم تستطع نورهان الرد.
ظل الميكروفون في يدها، بينما كانت تحدق في السماعة.
الصوت الذي خرج منها كان مألوفًا بشكل مرعب.
نفس الهدوء.
نفس النبرة.
نفس الرجل الذي وقف قبل ساعات وسخر من حلمها في المطار.
الرجل الذي قال لها إن بعض الأحلام مجرد هواية.
لكن الآن…
لم يكن صوته ساخرًا.
كان باردًا.
قال:
— «واضح إن بنت محمود عبدالسلام طلعت أذكى مما توقعت.»
نورهان شهقت:
— «إنت مين؟!»
ضحك الرجل.
— «السؤال الحقيقي مش أنا مين.»
توقف لحظة.
— «السؤال… إنتِ ليه لسه مصدقة إن أبوكي كان مجرد ضحية حادث؟»
نورهان شعرت بأن أصابعها تجمدت.
مدحت اقترب منها وقال بصوت منخفض:
— «ما ترديش عليه.»
لكن الرجل سمعه.
— «لسه بتديها نصايح يا مدحت؟»
مدحت تغير وجهه.
نورهان بصت له.
— «إنت تعرفه؟»
لم يجب.
الرجل في السماعة قال:
— «مدحت كان واحد من أفضل رجالي.»
نورهان نظرت إلى مدحت.
— «واحد من رجالك؟»
مدحت أغلق عينيه لحظة.
ثم قال:
— «كنت.»
الرجل ضحك.
— «لسه بتكذب عليها.»
نورهان شعرت بالغضب.
— «إنت عايز إيه؟»
— «عايزك تعملي حاجة بسيطة.»
— «إيه؟»
— «سيبي الطائرة تكمل مسارها.»
نورهان نظرت إلى شاشة الملاحة.
— «المسار ده داخل في العاصفة.»
— «عارف.»
— «والطائرة العسكرية هتسقطنا.»
— «عارف.»
— «وفيه 300 شخص هنا.»
— «عارف.»
قالها بكل برود.
نورهان شعرت بالقشعريرة.
— «إنت مجنون.»
— «ممكن.»
ثم تابع:
— «لكن لو نفذتي اللي هقولك عليه، الناس دي كلها ممكن تعيش.»
نورهان أمسكت بالميكروفون بقوة.
— «قول.»
— «نزلي الارتفاع إلى المستوى اللي هحدده لك.»
مدحت صرخ:
— «لا!»
التفتت إليه.
قال بسرعة:
— «لو نزلنا للمستوى ده، هنكون داخلين في منطقة خطرة.»