الساعة كانت 9:27. حكايات ميراا
— هيقتلونا؟
آدم مسك إيدها.
— مش لو خرجنا من هنا.
فتح درج قديم.
وجد مس\دسًا وورقة مطوية.
فتح الورقة.
كانت مكتوبة بخط أخوه.
“لو آدم وصل للورقة دي، يبقى أنا فشلت.”
آدم كمل القراءة.
“ما تثقش في فارس.”
اتسعت عينيه.
— فارس كان بيكدب.
سلمى سألت:
— في إيه؟
قرأ السطر التالي.
“أبو سلمى مش ميت.”
سلمى حطت إيدها على بوقها.
ثم كمل:
“هو عايش، لكن مش هو اللي بيحرك اللعبة.”
آدم قلب الورقة.
في ظهرها كان فيه عنوان.
مخزن 14 — الميناء القديم.
وتحت العنوان:
“هتلاقي حسن هناك.”
سلمى دموعها نزلت.
— أبويا عايش؟
آدم هز رأسه.
— احتمال كبير.
فجأة الباب بدأ يتكسر.
آدم مسك يدها.
— لازم ننزل من الشباك.
— الدور الخامس!
— فيه سلم طوارئ.
— وإنت مصاب!
— لسه قادر.
فتح الشباك.
نزل الأول.
ثم مد إيده لها.
سلمى بدأت تنزل.
لكن أول ما وصلت للسلم، سمعت صوت طفل صغير.
بكت.
— آدم…
— إيه؟
— أنا سامعة طفل.
سكت.
كان الصوت جاي من شقة مجاورة.
بكاء طفل.
آدم بص للباب.
— مستحيل.
— لازم نشوف.
— سلمى، مفيش وقت.
— لو طفل جوه، مش هسيبه.
رجعوا بسرعة.
كسر آدم باب الشقة.
كانت فاضية.
لكن في منتصف الغرفة كان فيه سرير أطفال.
وفوقه ظرف أبيض.
سلمى قربت منه.
فتحت الظرف.
جواه صورة أشعة.
صورة لجنين.
وفي أسفل الورقة اسمها.
سلمى حسن.
وتاريخ التحليل…
قبل زواجها بآدم بشهر.
سلمى وقعت الصورة من إيدها.
— دي مش صورتي.
آدم التقطها.
وبص لها.
— لأ.
— يبقى صورة مين؟
آدم قلب الورقة.
كان مكتوب:
“العينة رقم 27.”
وفي اللحظة دي، ظهر صوت من خلفهم:
— أخيرًا وصلتوا.
لفوا بسرعة.
رجل واقف عند الباب.
سلمى شهقت.
آدم صوب س\لاح.
الرجل رفع إيديه.
— ما تضربنيش.
سلمى بصت له.
وشها اتجمد.
— إنت…
الرجل كان شبه آدم تمامًا.
نفس العينين.
نفس الملامح.
نفس الصوت.
ابتسم وقال:
— وحشتيني يا سلمى.
آدم ما قدرش يتكلم.
الرجل بص له.
— وأنت كمان يا أخويا.
ثم مد إيده لسلمى.
— أنا اسمي ياسين الراوي.
سلمى رجعت خطوة.
— لكنهم قالوا إنك ميت.
ابتسم ياسين.
— كانوا عايزينك تصدقي كده.
آدم رفع الس\لاح.
— إنت كنت فين؟
ياسين بص له.
— في المكان اللي أبو سلمى خبّاني فيه.
سلمى سألت بصوت مرتعش:
— وأبويا؟
ياسين ابتسم ابتسامة غامضة.
— لو عايزة تشوفيه…
أشار للباب.
— تعالي معايا.
آدم وقف قدامها.