كانت قاعدة لوحدها. حكايات ميراا
ثم قال لوكاس بصوت خافت:
— «قبل ما نتولد.»
الصمت كان كامل.
كِلير حطت إيدها على الكرسي.
— «أنا… مش فاكرة أي حاجة.»
الأب قرب منها.
— «يبقى لازم نفتكر.»
— «إزاي؟»
طلع من جيبه ظرف أبيض صغير.
حطه قدامها على الترابيزة.
— «ده وصلني من صوفيا بعد موتها.»
كِلير بصت للظرف.
اسمها كان مكتوب عليه.
Claire Bennett.
إيدها بدأت تترعش.
— «إنت ما فتحتوش؟»
— «فتحته.»
— «وكان فيه إيه؟»
— «ورقة واحدة.»
سكت.
— «بس الورقة كانت فاضية.»
كِلير رفعت عينيها له.
— «فاضية؟»
— «تمامًا.»
— «يبقى ليه محتفظ بيها؟»
— «لأن صوفيا كانت عارفة حاجة أنا ما كنتش عارفها.»
قرب الظرف منها.
— «الحبر ظهر بعد تلات أيام.»
كِلير فتحت الظرف بإيد مرتعشة.
طلعت ورقة مطوية.
في البداية كانت فعلًا بيضاء.
لكن تحت ضوء المحل…
بدأت كلمات باهتة تظهر تدريجيًا.
كِلير قربت الورقة من عينيها.
وقرأت أول سطر.
«كِلير… لو إنتِ بتقري الرسالة دي، يبقى أنا فشلت أحمي ولادي.»
نفسها اتقطع.
السطر التاني ظهر ببطء.
«متثقيش في جوزي.»
الأب اتجمد.
كِلير رفعت عينيها له.
لكن قبل ما أي واحد فيهم يتكلم…
ظهر سطر تالت.
«ومتثقيش في أبويا.»
الأب اتراجع خطوة.
ثم ظهر السطر الأخير.
واللي خلّى كِلير تحس إن الدنيا كلها بتلف بيها:
«لأن واحد فيهم هو اللي قت/لني.»
وفي نفس اللحظة…
اتسمع صوت طلقة نارية من بره المحل.صوت الطلقة دوّى في الشارع.
الناس جوه محل الشاي صرخوا، وكراسي وقعت على الأرض.
الأب اتحرك في نفس اللحظة.
— «انزلوا!»
رما نفسه قدام الأولاد الأربعة، وسحبهم للأرض.
كِلير ما لحقتش تفكر.
جريت عليهم، وحاوطت لوكاس بإيديها.
— «متخافش… متخافش.»
الولد كان بيترعش.
— «ماما كانت بتقول نفس الجملة.»
كِلير اتجمدت.
لكن ما كانش وقت تسأل.
صوت خطوات جري اتسمع برا.
واحد من رجالة الأب اندفع ناحية الباب.
— «محدش يتحرك!»
الأب رفع إيده.
— «استنى.»
وبعدين بص ناحية الزجاج.
رصاصة كانت اخترقت الشباك واستقرت في الحائط.
الأب قرب منها بحذر.
وبص على اتجاه الرصاصة.
— «دي مش كانت محاولة ق/تل.»
كِلير بصت له باستغراب.
— «أمال إيه؟»
— «تحذير.»
وأشار للشارع.
— «اللي ضرب النار كان عايزنا نعرف إنه يقدر يوصل لنا.»
وفجأة…
تليفونه رن.
بص للشاشة.
رقم مجهول.