في الليلة اللي كانت. حكايات ميراا
لم يرد أحد.
ثم جاء صوت امرأة ضعيف من الطرف الآخر:
“مريم؟”
قلبها توقف.
“مين؟”
صمت لثوانٍ.
ثم قالت المرأة:
“أنا أمك.”
مريم لم تستطع التنفس.
“ماما؟”
جاء صوتها باكيًا:
“اسمعيني كويس… ما تثقيش في آدم.”
مريم رفعت عينيها ببطء نحو آدم.
ثم جاء الصوت:
“هو مش أخوكي.”
وانقطع الاتصال.الفصل الثامن
مريم فضلت ماسكة الهاتف على ودنها، حتى بعد ما انقطع الاتصال.
“ماما؟”
ولا رد.
“ماما!”
تسنيم قربت منها.
“مريم…”
مريم نزلت الهاتف ببطء.
كانت عينيها مليانة دموع.
“كانت هي.”
آدم مد إيده.
“هاتِ الموبايل.”
مريم أبعدته عنه فورًا.
“لأ.”
نظر لها بثبات.
“مريم، لازم أعرف الرقم.”
“هي قالت لي ما أثقش فيك.”
ساد الصمت داخل العربية.
حتى رامي بص لآدم من المرآة.
آدم لم يغضب.
بالعكس.
كان هادئًا جدًا.
وده خوّف مريم أكثر.
قال:
“وأنا مش هطلب منك تثقي فيا.”
“طب أعمل إيه؟”
“تسمعي كل اللي عندي الأول.”
مريم ضمت الهاتف إلى صدرها.
“اتكلم.”
آدم أخذ نفسًا عميقًا.
“الست اللي كلمتك ممكن تكون أمك.”
مريم شهقت.
“ممكن؟!”
“آه.”
“إنت لسه شاكك؟”
“أنا شاكك في كل حاجة.”
سكت لحظة.
“لأن اللي حصل الليلة أكبر من مجرد محاولة ق*تل.”
ثم نظر لها.
“حد كان عايزك تعرفي إنك بنت إدوارد.”
“وبعدها حد تاني قال لك إن آدم مش أخوكي.”
تسنيم قالت بصوت مرتجف:
“يعني ممكن حد يكون بيحاول يوقعنا في بعض.”
آدم أومأ.
“بالضبط.”
مريم بصت لتسنيم.
“إنتِ مصدقة إن آدم أخوكي؟”
تسنيم هزت رأسها.
“طبعًا.”
“بس الشهادة…”
“ممكن تكون مزورة.”
مريم سكتت.
آدم قال:
“هنعمل تحليل DNA.”
رفعت عينيها له.
“دلوقتي؟”
“أول ما نوصل.”
“ولو طلعت فعلًا أختك؟”
سكت آدم.
ثم قال:
“هحميك مهما حصل.”
“ولو طلعت مش أختك؟”
نظر إليها طويلًا.
“برضه هحميك.”
قلبها خبط.
لكنها حاولت تتجاهل الإحساس.
“ليه؟”
آدم لم يرد.
تسنيم ابتسمت رغم خوفها.
“أعتقد الإجابة واضحة.”
آدم رمقها بنظرة تحذير.
“تسنيم.”
“إيه؟”
“مش دلوقتي.”
لكن مريم قالت بهدوء:
“لأ.”
الجميع نظر لها.
“دلوقتي.”
بصت لآدم.
“أنا عايزة أعرف.”
آدم سكت.
ثم قال:
“أنا كنت أعرفك من قبل ما تتخيلي.”
مريم عقدت حواجبها.
“يعني إيه؟”
“أول مرة شفتك فيها ماكنتش من عشر سنين.”
اتسعت عيناها.
“إمتى؟”
“من خمسة عشر سنة.”
مريم شعرت بقشعريرة.
“أنا كنت عندي تسع سنين.”