الساعة كانت 11:47. حكايات ميراا
سكت لحظة.
— لكن أمك كانت معاها دليل.
كريم قال:
— الدليل اللي لسه موجود.
بصيت له.
— فين؟
يوسف رد:
— معاكي.
اتجمدت.
— معايا أنا؟
— أيوه.
— فين؟
بص لرقبتي.
— السلسلة اللي أمك عمرها ماخلتك تخلعيها.
إيدي راحت فورًا للسلسلة القديمة اللي كنت لابساها من وأنا طفلة.
— دي؟
هز راسه.
— افتحيها.
حاولت ألف الجزء الصغير الموجود في القلادة.
مافتحش.
كريم أخدها مني.
وبدأ يفحصها.
ضغط على طرف صغير.
تك.
القلادة اتفتحت.
جواها كانت فيه شريحة ذاكرة صغيرة جدًا.
بصيت لها وأنا مصدومة.
يوسف قال:
— أمك كانت مخبية الحقيقة كلها جواها.
كريم مد إيده.
— لازم نشوف اللي عليها.
لكن فجأة…
صوت إنذار حاد طلع من تليفون يوسف.
بص للشاشة.
وشه اتغير.
— لقونا.
— مين؟
— الشرطة.
كريم قال:
— دي مش شرطة.
يوسف هز راسه.
— عارف.
بصلي بسرعة.
— بيلي، اسمعيني. لو حصل لي حاجة…
قاطعته:
— مش هيحصل لك حاجة.
ابتسم بحزن.
— أمك قالت نفس الجملة.
وبعدين مد إيده ليّا.
— بس المرة دي، لازم أقولك الحقيقة قبل ما أموت.
سكت.
— أنا ماكنتش بعيد عنك طول السنين دي.
— يعني إيه؟
— كنت براقبك.
— إزاي؟
— من بعيد.
دموعي نزلت.
— كنت بتشوفني وأنا بشتغل؟
هز راسه.
— أيوه.
— كنت بتشوفني وأنا بدفن أمي؟
عينه دمعت.
— أيوه.
— وكنت سايبني لوحدي؟
ماقدرش يرد.
وفي اللحظة دي…
انفجر زجاج الشباك.
صرخت.
كريم شدني للأرض.
يوسف وقف قدامنا.
وطلقة اخترقت الحيطة.
عم حسن صرخ:
— انزلوا!
كريم مسك الشريحة.
— لازم نخرج من هنا!
لكن يوسف مسك إيده.
— لأ.
— إيه؟
يوسف بصلي.
— لو خرجنا كلنا، هيق*تلونا.
وبعدين قال جملة خلت كريم نفسه يتجمد:
— لازم واحد فينا يضحي.
وفي نفس اللحظة…
وصلت رسالة على موبايل بيلي.
رقم مجهول.
فتحتها.
وكان مكتوب:
“اختاري: أبوكي… ولا كريم.”
“واحد منهم مش هيخرج من المستشفى حي.”بصيت للرسالة وأنا حاسة إن إيديا اتجمدت.
— مين بعتلك؟
كريم مد إيده للموبايل.
— وريني.
ناولتهوله.
قرأ الرسالة، ووشه اتشد.
يوسف قال:
— كانوا مستنيين اللحظة دي.
بصيت له.
— إنت تعرف مين هما؟
— أيوه.
— مين؟
يوسف سكت.
ثم قال:
— الناس اللي أمك كانت بتحاول تفضحهم.
وفجأة سمعنا صوت عربيات كتير تحت المستشفى.
عم حسن بص من الشباك المكسور.
— فيه عربيات داخلة.
كريم قال:
— كام؟
— كتير.