بعد تلات سنين جوزي.
— متقربش.
وقف مكانه.
أنا حطيت إيدي على صدري.
— عندي أخ توأم؟
نورهان هزت راسها.
— أيوه.
— وأبويا خبّاه عني؟
— أبوكي كان فاكر إنه بيحميكي.
ضحكت بمرارة.
— حماني من أخويا؟
كمال اتكلم لأول مرة:
— أبوكي ماكانش خايف من آدم.
بصيتله.
— أمال كان خايف من إيه؟
قال:
— من اللي عملوه في آدم.
سكتنا.
ثم سمعت صوت عربية بتقف برا.
أحمد بص من الشباك.
— لازم نمشي.
قلت:
— لأ.
بصلي.
— إيه؟
— مش هتحرك خطوة قبل ما أعرف الحقيقة كلها.
— لو فضلنا هنا، مش هنعرف حاجة.
— يمكن ده أحسن.
قرب مني.
— سلمى، الناس اللي برا مش جايين يتكلموا.
بصيتله.
— وإنت؟ جاي تتكلم؟
سكت.
قلت:
— تلات سنين يا أحمد.
صوتي اتهز.
— تلات سنين وأنا فاكرة إنك خنتني.
— …
— كل ليلة كنت بسأل نفسي أنا ناقصة إيه؟
نزل عينه.
— مفيش حاجة ناقصاكي.
— أمال ليه عملت كده؟
رد بصوت واطي:
— عشان أخليهم يصدقوا إني بعيد عنك.
— وخلتني أكرهك.
— عارف.
— وخليتني أشوفك مع نورهان.
— كان لازم.
صرخت:
— لأ! ماكانش لازم!
سكت.
دموعي نزلت غصب عني.
— كان ممكن تقول الحقيقة.
قال:
— لو كنت قلتلك، كنتي هتتصرفي طبيعي؟
ماعرفتش أرد.
— كنتي هتقدري تمثلي إنك مش عارفة؟
هزيت راسي.
— لأ.
— عشان كده ماقلتش.
في اللحظة دي، نورهان قالت:
— آدم كان بيراقبك من أول شهر.
بصيتلها.
— إزاي؟
— كان بيبعثلي صورك.
قلبي وقع.
— صور إيه؟
— صور وإنتِ في الشغل… وإنتِ راجعة… وإنتِ عند أمك…
اتخنقت.
— ليه؟
— كان بيدور على الدليل.
كمال قال:
— وكان مقتنع إن أبوكي خبّى كل حاجة عندك.
بصيت لأحمد.
— وإنت كنت بتحميني منه؟
— ومن غيره.
— يعني آدم كان عايز يقت*لني؟
أحمد سكت.
وده كان كفاية.
—
خرجنا من المصنع من باب خلفي.
ركبنا عربية قديمة كانت نورهان جايباها.
كنت قاعدة في الخلف.
أحمد قدام.
طول الطريق ما اتكلمتش.
لحد ما موبايلي رن.
رقم مجهول.
رديت.
صوت آدم.
— سلمى.
اتجمدت.
— إنت فين؟
— قريب منك.
بصيت من الشباك.
— ليه بتعمل فيا كده؟
ضحك.
— أنا؟
صوته كان فيه وجع.
— إنتِ اللي أخدتي كل حاجة.
— أنا ما أخدتش منك حاجة!
— أخدتي أبويا.
شهقت.
— أبويا كان أبويا أنا كمان!
سكت.
وبعدين قال:
— إنتِ مش فاكرة.
— فاكرة إيه؟
— اللي حصل ليلة موته.
سكت.
— كنتي موجودة.
قلبي وقف.
— مستحيل.
— كنتي عنده.
— لأ.
— وإنتِ آخر واحدة شافته.