ابني كان على بُعد لقمة حكايات ميراا
“إنتِ كنتِ فين؟”
“كنت فوق أجيب ملايات من المخزن.”
“وبنتك؟”
“كانت بتلعب في الممر.”
بصيت لليلى.
“ليلى… تعالي هنا.”
اختبأت أكتر ورا رجلين أمها.
نزلت على ركبتي.
“أنا مش زعلان منك.”
بصتلي بحذر.
“إنتِ عملتي حاجة كويسة.”
رفعت عينيها ناحيتي.
“بس عايز أعرف… الراجل كان مين؟”
هزت راسها.
“معرفش.”
“كان لابس إيه؟”
سكتت.
وبعدين قالت:
“أسود.”
“طويل؟”
هزت راسها.
“آه.”
“وشعره عامل إزاي؟”
فكرت شوية.
“مشفتش شعره.”
“ليه؟”
أشارت بإيدها الصغيرة ناحية رأسها.
“كان لابس حاجة هنا.”
“كاب؟”
هزت راسها.
“أيوه.”
بدأت أسألها أسئلة أكتر.
لكن كل إجاباتها كانت قصيرة.
وفجأة سألت:
“الراجل كان لابس ساعة دهب؟”
رفعت إيدي عن ركبتي.
“أيوه.”
قلبي دق بعنف.
“إنتِ متأكدة؟”
هزت راسها.
“كانت بتلمع.”
بصيت للحراس.
“هاتوا تسجيلات الكاميرات.”
واحد منهم اتحرك فورًا.
لكن قبل ما يخرج، دكتور حسام رفع عينه من العينة.
“محمود.”
بصيتله.
وشه كان اتغير.
“إيه؟”
سكت ثانية.
ثم قال:
“لازم ناخد الموضوع بجدية.”
“يعني إيه؟”
“العينة فيها مادة مش المفروض تكون في الأكل.”
القاعة كلها سكتت.
حسيت إن الهواء نفسه اختفى.
قربت منه.
“مادة إيه؟”
بصلي مباشرة.
“لسه مش هقدر أحدد نوعها هنا.”
“بس هي خطيرة؟”
سكت.
وكان سكوته كفاية.
لفيت ناحية الضيوف.
أكتر من مية شخص كانوا واقفين في أماكنهم.
لكن وسط كل الوجوه دي…
كان فيه وجه واحد مشدود بطريقة غريبة.
راجل كان واقف جنب باب المطبخ.
أول ما عيني جت عليه…
نزّل إيده بسرعة.
ولأول مرة في حياتي، تمنيت إن شكوكي تكون غلط.
لأن الساعة اللي في إيده…
كانت ذهبية.
نفس الساعة اللي وصفتها ليلى.
لكن قبل ما ألحق أنادي الحراس، الراجل اختفى من قدام الباب.
صرخت:
“اقفلوا باب المطبخ!”
جري اتنين من الحراس.
وأنا جريت وراهم.
لأن اللي حصل في التورتة ماكانش حادث.
كان محاولة ق*تل.
والقاتل…
كان لسه جوه بيتي.
حكايات_ميراا
سيبوا لايك ومتنسوش الصلاة على النبي ﷺ
باقي القصة هتنزل هنا 👇♥️جريت ورا الحراس ناحية المطبخ، وقلبي بيخبط في صدري كأنه عايز يسبقني.
لكن أول ما وصلنا عند الباب…
كان فاضي.
مفيش حد.
ولا حتى صوت خطوات.
الحارس فتح باب المخزن بسرعة، وبعدين التاني فتش الممر المؤدي للحديقة.
“مفيش حد يا فندم!”
صرخت:
“مستحيل! الراجل كان هنا من ثواني!”