زعيم المافيا. حكايات_ميراا
أنه فهم اللعبة.
قال أدهم:
“هما عايزين يجرّونا بعيد عن الفندق.”
“يعني آدم؟”
“لسه منعرفش مكانه.”
ثم التفت إلى دياب.
“قسم الرجالة.”
بدأ دياب يعطي الأوامر بسرعة:
“فريق يروح للشقة اللي خرجت منها الصورة.”
“وفريق تاني يراقب بيت لينا من بعيد من غير ما يقرب.”
“ومحدش يدخل البيت إلا بأمر.”
نظرت إلى أدهم بغضب.
“يعني هنستنى؟!”
اقترب مني خطوة.
وقال بصوت منخفض:
“لينا… لو اقتحمنا البيت من غير ما نعرف اللي جوه، ممكن نكون إحنا السبب في أذى آدم.”
لم أجد ردًا.
لأنه كان محقًا…
وهذا ما زاد خوفي.
وفجأة رن هاتف دياب.
فتح الخط.
“أيوه.”
استمع لثوانٍ، ثم تغير لون وجهه.
“إنت متأكد؟”
أغلق المكالمة ببطء.
نظر إلى أدهم.
“الفريق وصل للشقة.”
“ولقى إيه؟”
تنفس دياب بعمق.
“ولا حد.”
“إزاي؟”
“الشقة فاضية… لكن على الترابيزة كان فيه لابتوب مفتوح.”
“وفيه إيه؟”
ابتلع ريقه وقال:
“كان شغال بث مباشر…”
سأله أدهم بسرعة:
“لمين؟”
رد دياب:
“للفندق.”
شعرت بقشعريرة تسري في جسدي.
“يعني كانوا… بيتفرجوا علينا؟”
أومأ دياب.
“من أول لحظة.”
ثم أخرج فلاشة صغيرة وجدها بجوار اللابتوب.
سلمها لأدهم.
ركبها في جهازه.
ظهر ملف فيديو واحد.
ضغط تشغيل.
امتلأت الشاشة بصورة رجل يجلس في غرفة مظلمة، ووجهه مخفي بقناع أسود.
بدأ يتحدث بصوت مشوش:
“لو بتشوفوا الرسالة دي… يبقى المرحلة الأولى نجحت.”
ثم رفع شيئًا أمام الكاميرا.
كان…
دبلة زواج هبة.
دبلة أختي.
توقفت أنفاسي.
همس أدهم:
“إزاي معاه الدبلة دي…؟”
ثم قال الرجل جملة جعلت كل شيء يتغير:
“اللي قتل هبة… لسه عايش.”
يتبع…شعرت أن الأرض انسحبت من تحت قدمي.
“إيه…؟”
لم أستطع إكمال الكلمة.
هبة ماتت بعد صراع طويل مع السرطان.
هذا ما قاله الأطباء.