الست كانت بتقرب. حكايات ميراا
ثم صوت زجاج بيتكسر.
كاميليا ارتجفت.
— دول وصلوا؟
كريم أخرج هاتفًا صغيرًا من جيبه.
— عندنا 18 حارس في المبنى.
نظر إلى الشاشة.
— دلوقتي بقوا 11.
اتسعت عيناها.
— يعني إيه؟
— يعني إن اللي داخلين مش ناس عشوائية.
اقترب من الباب، ثم توقف.
نظر إلى كاميليا.
— لما أقول لك تجري، تجري على السلم الخلفي.
— وإنت؟
— أنا هكون وراكي.
هزت رأسها.
— لأ.
نظر إليها باستغراب.
— إيه؟
— مش هسيبك.
كريم حدق فيها للحظة.
— إنتِ مجنونة؟
— يمكن.
ثم ابتسمت رغم خوفها.
— بس واضح إن دي عادة عندي.
لأول مرة منذ بداية الليلة، ظهرت ابتسامة حقيقية على وجه كريم.
لكنها اختفت سريعًا.
صوت خطوات اقترب من الخارج.
خطوة…
ثم أخرى…
ثم توقف.
رفع كريم مس*دسه.
وانتظر.
فجأة انفتح الباب بعنف.
أطلق كريم رصاصة.
سقط الرجل في الممر.
لكن خلفه ظهر اثنان آخران.
أمسك كريم يد كاميليا.
— دلوقتي!
ركضا.
كان الممر مليئًا بالدخان.
وصلوا إلى باب السلم الخلفي.
كريم فتحه، لكن قبل أن ينزلوا، سمعوا صوتًا من أسفل.
— كريم!
توقف.
كان صوت رجل يعرفه.
صوت شاكر.
قال كاميليا:
— مش هو كان معاهم؟
— كنت فاكر كده.
فتح كريم الباب قليلًا ونظر.
شاكر كان واقفًا في أسفل السلم، ويداه مرفوعتان.
— يا باشا! أنا مش منهم!
كريم ظل مصوبًا س/لاحه.
— اطلع.
صعد شاكر ببطء.
— هما خطفوا مراتي وابني. أجبروني أجيبهم هنا.
كريم لم يرد.
كاميليا اقتربت.
— استنى.
نظر إليها كريم.
— إيه؟
أشارت إلى يد شاكر.
— بص على إيده.
كانت ترتعش.
لكنها لم تكن ترتعش خوفًا.
كان هناك حبل رفيع يخرج من كم قميصه.
كاميليا شهقت.
— دي مش إيده!
كريم فهم فورًا.
صرخ:
— ابعدي!
لكن الوقت كان فات.
انفجر الحبل الصغير.
سقط شاكر على الأرض، واندفع كريم ناحية كاميليا، يحميها بجسده.
انفجار صغير هز السلم.
ثم عمّ الصمت.
رفعت كاميليا رأسها.
— كريم؟
لم يرد.
— كريم!
فتح عينيه.
— أنا كويس.
نظرت إلى كتفه.
كان الدم ينزل من جديد.
— إنت مش كويس!
— بعدين.
ثم أمسك يدها.
— لازم نتحرك.
نزلا إلى الطابق السفلي.
لكن بدل ما يتجهوا إلى مخرج الطوارئ، أخذها كريم إلى غرفة صغيرة خلف المطبخ.
أغلق الباب.
وأخرج مفتاحًا من سلسلة حول رقبته.
فتح خزنة مخفية داخل الحائط.
وأخرج صندوقًا أسود.
وضعه أمامها.
— ده سبب كل اللي حصل.