حماتي وأخت جوزي
لأول مرة من سنين، صحيت وهي في أوضة طفولتها، وأمها بتحضر لها فطار بسيط، وأبوها قاعد يقرأ الجريدة من غير ما يسألها سؤال واحد.
كانوا فاهمين إن اللي حصل أكبر من مجرد خناقة.
بعد الساعة عشرة، تليفونها رن.
كريم.
رفضت المكالمة.
بعدها رسالة:
“ارجعي البيت… أمي زعلت من كلامك، وأنا هخليها تعتذر.”
ابتسمت بسخرية.
أول مرة في حياته يطلب من أمه تعتذر.
لكن بعد إيه؟
بعد ما كرامتها اتكسرت قدام أهلها.
قفلت الموبايل.
بعد نصف ساعة، جرس بيت أهلها رن.
فتح أبوها الباب.
لقى كريم واقف، ومعاه نوال ودينا.
نوال كانت لابسة عباية سودا، وعلى وشها ابتسامة مصطنعة.
أول ما دخلت قالت:
ـ إحنا جايين نصفي النفوس.
أبو ياسمين رد بهدوء:
ـ اتفضلوا.
قعدوا في الصالون.
فضل الصمت مسيطر.
وفجأة قالت نوال:
ـ لو كلمة زعلتك… خلاص حقك عليا.
لكن طريقة كلامها كانت بتقول إنها مش مقتنعة.
ياسمين سألتها:
ـ إيه الكلمة اللي زعلتني؟
اتلخبطت نوال.
ـ يعني… اللي حصل.
ـ لأ… قولي بالظبط.
إيه اللي عملتيه؟
سكتت.
ماعرفتش.
لأنها عمرها ما اعترفت بخطئها.
ساعتها قالت ياسمين:
ـ إنتِ أكلتوا العشا اللي معمول لأهلي… واتريقتوا عليهم… ولما اعترضت، ابنك مسك دراعي بعنف.
إنتِ آسفة على أنهي واحدة؟
نوال احمر وشها.
ـ هو إحنا هنحقق؟
أبو ياسمين قال لأول مرة بصوت حازم:
ـ أيوه… لأن بنتي مش هترجع بيتها إلا وهي مطمنة إن كرامتها محفوظة.
كريم اتدخل بسرعة.
ـ يا جماعة، خلونا نبدأ من جديد.
ياسمين بصت له وقالت:
ـ أبدأ من جديد مع مين؟
مع الراجل اللي وقف يتفرج؟
ولا مع الست اللي شايفة إن إهانة الناس حق ليها؟
دينا قامت بعصبية.
ـ إنتِ مكبرة الموضوع.
ابتسمت ياسمين.
ـ لو كان اللي حصل مع أمك… كنتِ هتسميه “موضوع صغير”؟
دينا سكتت.
ماعرفتش ترد.
وفي اللحظة دي…
المحامية وصلت.
كانت ياسمين متفقة معاها من قبل.
دخلت وسلمت على الجميع.
طلعت ملفًا أزرق.
وقالت بهدوء:
ـ مدام ياسمين طلبت مني أوضح حقوقها القانونية قبل أي قرار.
كريم اتوتر.
ـ حقوق إيه؟
فتحت المحامية الملف.
ـ في حالة استمرار الإساءة أو الاعتداء، من حقها اتخاذ الإجراءات القانونية، والمطالبة بحقوقها كاملة.
نوال قامت من مكانها.
ـ إنتِ هتودي ابني في داهية؟
ردت ياسمين بثبات: